大胃妹尾碕真花 長腿守護地球

高挑纖巧

所謂孤陰不生，獨陽不長，男士們欣賞充滿熱血嘅日式戰隊劇時，除咗希望睇到一班雄赳赳嘅戰士打怪獸外，亦想欣賞到美少女角色嘅演出，而製作單位都知道觀眾嘅需要，所以喺劇中加入唔少青春可愛嘅女角色，後來更加演變到有女戰隊成員出現。由於戰隊劇大受歡迎，所以演出嘅女演員特別備受注目，歷來亦有唔少成功上位，好似近期人氣高企嘅寫真妹尾碕真花就係其中之一。

今年19歲嘅尾碕真花，散發出青春氣息，令人心曠神怡，而且身材高挑，擁有一對修長美腿，雖然身形睇落纖瘦，但係上圍有C Cup，輕輕一夾，即時展露深溝，故被形容為擁有「規格外之長腿與深溝」。

戰隊女主角

咪睇真花身材纖巧，以為佢食量超細，事實上啱啱相反，原來佢相當大食，據講佢曾經一次過食咗25碟壽司及一塊450克牛扒，食量十分驚人！除咗姣好身段之外，真花嘅無邪氣笑容亦迷倒唔少粉絲，而憑住呢副笑容，2012年佢參加第13屆全日本國民美少女比賽就獲得「審查員特別獎」，並加入美少女偶像團體「X21」，成功進軍藝能界，又演出電視劇同拍廣告，發展順利。

而真花最為人注目嘅演出，就係喺特攝劇《假面騎士ZI-O》飾演美香一角，令人印象難忘。2019年佢喺《騎士龍戰隊龍裝者》更擔任女主角飾演明日奈，亦係負責保護地球和平嘅戰隊主要成員「龍裝粉紅」。除咗拍劇，上年年尾佢推出首本寫真集，正式進軍寫真界，各位男士未來可以有更多機會欣賞到真花嘅性感演出，以及令人精神一振嘅純真笑容喇！

社交網站

尾碕真花喺社交網相當活躍，大家可以見到好多關於佢嘅工作消息，當然唔少得性感水着照片，千祈唔好錯過喇！

網址：https://twitter.com/12osaki_ichika

尾碕真花

年齡：19歲

身高：5呎5吋

三圍：33C-23-33

撰文：賢