中環出更：黑暴毆途人 麥美娟斥法治觀念大崩潰
前日嘅街頭示威又爆暴力衝突，令到無辜途人遭殃。議員麥美娟尋日喺社交網站上開live，斥責示威者以暴力手段來爭取訴求，簡直係法治觀念大崩潰咁話。
和理非包庇 袖手旁觀
麥美娟話前日街頭示威期間，不但店舖遭到破壞，暴徒亦襲擊自行清除路障嘅少女，又有法律界人士因意見同示威者相左，遭到圍毆頭破血流。
麥美娟話最令佢感嘆嘅就係，自詡「和理非」嘅人面對暴力破壞而袖手旁觀，根本就係對黑暴嘅縱容同包庇，譬如目睹暴力犯罪不但唔去制止，反而係從旁拍攝，施暴者亦懶理眾目睽睽，繼續逞兇。而咁野蠻嘅暴力行為，竟然有人支持同死撐，唔明白點解有人可以肆無忌憚咁去觸犯法律。
麥又指疫情期間，有三成四嘅打工仔女係零收入，好辛苦先至等到近日條街多番啲人，估唔到暴力浪潮又再出現，莫非為咗香港好，就要靠破壞咩？
卓妮