作風進取又勇猛嘅男人，我哋會用「猛虎」嚟形容，而有着同樣特質嘅索女又可以用乜嘢動物去形容呢？喺日本，但凡性格主動又美艷嘅女性，都會被稱呼為「女豹」！筆者第一時間諗起好耐之前睇過嘅西片《豹妹》，當中嘅女主角確係又索又野性，而被稱為「令和之女豹」嘅宮崎華帆，同樣正到暈，舉手投足仲流露住一份媚態。
想喺性感女神雲集嘅日本寫真界脫穎而出，唔一定要擁有一副激凸得令人咋舌嘅勁爆身材，好似壇蜜同山崎真實，佢哋嘅上圍唔算大，但係每次投入寫真演出，每每能發揮出妖艷風韻，令每張相片都好似有魔力咁，能夠抓住大家嘅眼球。喺眾多寫真界後進中，出道未夠一年嘅宮崎華帆，就有潛質成為佢哋嘅接班人。今年25歲嘅華帆，生得一副美艷而帶狐媚嘅姊系面孔，雖然未至於傾國傾城，但係亦極具銷魂感覺，如果電視台翻拍《封神榜》，搵佢做禍國殃民嘅狐狸精妲己，一定入型入格！身材方面，華帆屬於勻稱型，上圍唔算細，但好多人都會不自覺將焦點移去阿妹嘅下半身，皆因佢擁有飽滿渾圓嘅美尻，比上半身更吸引。
上年9月，宮崎華帆推出首部寫真映像作品，雖然係第一次，但阿妹已經好識得將自己妖艷嘅魅力表現出嚟，絲毫唔會怕醜，配合露出度極高嘅打扮，成功吸引觀眾目光，所以被寫真界稱為「令和之女豹」！點解華帆初出道就能夠發揮如此魅力呢？原來同阿妹之前嘅職業有關。加入寫真女優行列之前，
華帆係一間飲食店嘅「媽媽生」，職責係招呼客人飲酒及陪對方傾幾句，好自然訓練出唔怕醜嘅性格，加上阿妹學咗空手道九年咁耐，家陣已經係一位黑帶高手，就算遇到客人唔規矩，亦絕對唔使驚！問到阿妹喺寫真界打響名堂後有咩目標，佢就話最希望成為一個能夠令人開心嘅女演員，如果好似渡邊直美咁以搞笑形象衝向世界，咁就更加好！
宮崎華帆好鍾意主動晒身材，大家只要登入佢嘅社交網，就會發現好多自拍寫真照同視頻，要幾Sexy有幾Sexy，正呀！
網址：https://twitter.com/miyazaki_kaho
年齡：25歲
身高：5呎4吋
三圍：34-24-34
撰文：賢