香港公廁臭出國際，有議員仲曾經揚言要搞「公廁革命」。尋日就有一項調查結果顯示，近八成受訪者贊同透過向違反公廁衞生措施嘅人士，以罰款嚟改善公廁嘅衞生狀況。之不過，最應該罰嘅係食環署署長劉利群，事關審計報告早前踢爆食環署對公廁維修同保養不力，亦有關注公廁衞生嘅協會曾批評食環署翻新公廁工程「慢到似烏龜」，可見公廁衞生惡劣，同食環署喺清潔同維修公廁懶懶閒嘅態度不無關係，梗係要罰喇！
