好多女神都會收埋一班觀音兵，久不久就會向佢哋派吓福利，例如Send個短訊問候一下，或者搵兵仔陪食飯之類。如果你係日本寫真女神鈴木富美奈嘅粉絲，可獲得嘅福利會「豐滿」好多，你冇睇錯，係豐滿而唔係豐富咁簡單，事關阿妹成日會Po性感相慰藉大家，仲會露出巨乳同深溝，真係好誘惑呢！
日本寫真界有好多高質女優，甚至擁有「最強」嘅稱號，正如元祖級寫真天后熊田曜子，憑住驕人上圍而被譽為「最強巨乳」！不過，曜子家陣已經38歲，仲生咗3個囡囡，雖然對巨乳依然好大，但似乎失去咗年輕時嘅彈性。好彩，後繼有人，佢就係鈴木富美奈。
現年29歲嘅富美奈，年紀唔算後生，但睇落仍然好有青春氣息，笑起上嚟，貌似天真兼帶幾分傻氣，好得人鍾意呀！收起笑容嘅富美奈，則流露出一份成熟韻味，可塑性甚高。身材方面，阿妹亦有過人之處，高挑之餘，肌肉又夠結實，充滿健美感，最緊要係上圍對I奶夠大夠圓又夠挺，好有彈性，所以被稱為「最強之巨乳」，絕無吹水成分！
富美奈出道拍寫真剛剛滿10年，阿妹之所以入行，可以用「機緣巧合」嚟形容。話說阿妹某日陪朋友去藝能事務所應徵，被事務所一位經理睇中，認定佢嘅條件可以喺寫真界發圍，於是落足嘴頭游說，最終簽下藝能合約。出道後，阿妹參加過唔少選美活動，更加喺2018年日本世界小姐競選中榮獲評審員獎。
人紅自然多工作，富奈美除咗為網站撰寫好書推介，亦為一個求職網站做工作體驗等；另外，阿妹喺拍寫真方面亦頻頻搞新意，以唔同扮相示人。最近，受疫情影響，年度動漫界盛事Comiket被迫取消，阿妹就響應眾多Cosplayer嘅要求，喺屋企玩Cosplay，變身成經典電子遊戲《最終幻想7》嘅女角色蒂法，網民紛紛讚好！其實，富美奈一向都好識喺社交網發布性感寫真相，難怪一眾粉絲都話跟住富美奈好有福！
有料唔怕晒！鈴木富美奈對自己一雙美乳充滿信心，所以經常喺社交網Po酥胸半露嘅艷照，近期仲上載好多性感勁舞片段，男士們有眼福了！
網址：https://twitter.com/suzukifumina/
年齡：29歲
身高：5呎6吋
三圍：38-24-35
撰文：賢