政情：九鐵新主席上場 年報未換走劉怡翔

九廣鐵路即將公布二○一九年年報，預料該份最新年報將於周三遞交畀立法會大會。按慣例，新任九廣鐵路主席一職，向來都會由時任嘅財經事務及庫務局局長出任。換言之，現任九鐵主席即係上個月廿二日宣布就任財庫局局長嘅許正宇，不過新一份年報入面，則白紙黑字咁寫明主席係前任局長劉怡翔。到時開會期間，議員打開年報就見到九鐵主席係劉怡翔，但抬頭一望，答問題嘅就係許正宇，場面難免有些少尷尬。