政情：公民講場：歪曲歷史 愈揭愈多 楊潤雄冇得卸膊

有教育界人士歪曲歷史嘅情況愈揭愈多，近日又爆出考評局兩高級職員喺網上發表不當言論，被指歪曲歷史，被議員鬧爆嗰兩名高級職員違反專業操守，要教育局嚴肅跟進，又話因應小學教師歪曲鴉片戰爭歷史事件，要求當局設立懲處機制。話時話，班議員要求設立懲處機制都講咗好耐，但局長楊潤雄踢極唔郁，咁就變相係縱容嗰啲教師去誤導學生，呢啲歪風必須及早遏止，所以楊潤雄唔可以再側側膊，否則變咗教壞學生嘅幫兇。