所謂相由心生，個人善良又好心腸，面相都特別和藹親切，而氣質亦一樣係由內至外散發出嚟，就好似日本人氣寫真妹星名美津紀咁，做人積極又勤力，而且愛護小動物非常有愛心，難怪健康感覺喺寫真界無出其右啦！
唔少女星撈到半紅不黑，又或者係紅都未紅過，之後為咗谷人氣就會轉行性感路線，被人問到點解突然坦胸露臂，佢哋就會答話：「我可以接受健康性感！」坦白講，健康性感未輪到佢哋，同星名美津紀真係差好多皮呀！
今年24歲嘅美津紀出道以來一直都係咁天真甜美，加埋燦爛嘅笑容令陽光感大大增加。一般嚟講，喺日本寫真界主打健康感覺嘅多數都係微乳妹，但係當中梗係唔包括美津紀啦！佢身形高挑，同時肉地鮮嫩又白滑，最重要係對H奶極富彈性又堅挺，就算着超Deep V泳衣露半球，亦唔會見到有下垂迹象，配埋纖腰以及大小適中嘅美尻，呢副胴體可以話無可挑剔！
2011年美津紀讀緊中三，有一日佢同媽媽去原宿行街，被藝能事務所人員睇中，結果成為旗下藝人。出道以來，美津紀嘅青春魅力以及曼妙身材一直都係好多寫真迷嘅焦點所在，不過阿妹除咗努力拍寫真發揮魅力，仲好用心咁持續增值自己，每日勤力做運動令身材保持健美固然係佢嘅必修課，此外佢亦會進修其他課程，最近就成功通過一個簿記考試喇！
另外，美津紀又好努力咁學習中文，點解？原因係佢爸爸係日本人，媽媽則係中國人，學好中文除咗可以更了解媽媽，仲有就係美津紀認為內地仲未興起寫真女優文化，所以佢嘅遠大理想係希望打入內地市場，可以盡情賺人仔喇！
星名美津紀除咗會喺社交網上載性感寫真照，仲會分享自己嘅視頻連結，當中可以睇到佢平時點樣做運動保持體態美，同時佢亦會透露一下私生活，想了解阿妹多啲，就要Click上去睇睇喇！
網址：https://twitter.com/hoshina_mizuki?lang=ja
年齡：24歲
身高：5呎4吋
三圍：37H-24-35
撰文：賢