政情：政府發展洪水橋 石禮謙寸思維留喺70年代
立法會工務小組委員會尋日召開會議，審議洪水橋/新發展區嘅前期、第一同第二階段嘅工程。議案雖獲通過，並將交付財務委員會上審議同分開表決。不過經民聯議員石禮謙批評，政府仍以七、八十年代嘅思維去看待新發展區，認為過去政府未有加設社區設施，而現時經濟發展在變動，加上新冠肺炎疫情影響，政府要趁呢段時間，就人口政策、工業政策方面推出新思維，利用洪水橋用地發展時要有前瞻性，興建更多公屋同社區設施。
議員朱凱廸指，政府僅透過發展局同運房局官員去思考城市擴充係好落伍，認為喺二、三十年前政府可以唔思考政治問題，但現時本港出現經濟矛盾，認為並非興建新發展區就可以令年輕人覺得有發展同有出路，更遑論人心復歸、社會和諧。
發展局常任秘書長甯漢豪指，洪水橋新發展區土地有四百四十一公頃，公共設施佔八十六公頃，又指新發展區受影響嘅二百多公頃作業中，物流業佔六十五公頃、建造業佔四十二公頃、港口後勤則有三十九公頃，並要求喺未來嘅市場研究工作中要與業界多溝通，再向政府提供意見，讓多層工業大廈能落成，照顧相關作業者。