中環出更：入境處六年四獲殊榮
香港入境事務處喺一個國際專業航空運輸研究機構嘅年度旅客意見調查中，贏得二○二○年度全球最佳機場出入境服務大獎，係繼二○一五年、一六年及一九年後再次獲得呢個獎項。
逾百國籍旅客評分
今次調查係由舊年九月至本年二月期間進行，覆蓋全球超過五百五十個機場，當中共收集來自超過一百個國籍嘅航空旅客對各機場服務嘅評分。
入境處發言人表示，入境處繼去年再次獲得此獎，並於過去六年四度獲得呢項殊榮，深感榮幸，又感謝主辦單位舉辦呢項別具意義嘅活動，以及世界各地旅客對入境處嘅支持與認同，更感謝一眾前線同事嘅專業表現同辛勤付出。入境處會繼續本着精益求精、力求創新嘅精神，致力為市民同旅客提供最優質嘅服務，並與世界各地嘅出入境部門保持緊密聯繫，推出更多便利旅客嘅措施，以配合香港嘅整體發展。
卓妮