香港居住問題向來棘手，為免輪候上樓時間愈拖愈長，理應增加公屋供應量，不過房屋委員會公布最新房屋建設計劃，二○一九至二○年度嘅公屋落成量，較當局早前提交立法會嘅文件，供應少咗二千九百間，跌至只有一萬一千間，就連下一年度，公營房屋供應量亦都遜於預期。雖然過往政府曾許下三年上樓嘅承諾，然而市民等到頸都長，猶如一張空頭支票，若果運房局局長陳帆唔想辦法解決公屋落成量未達標嘅問題，有議員估計公屋輪候時間好可能會突破六年大關。
