腸臟相當重要，小腸主要吸收營養，而大腸則主要吸收水分，所以腸臟嘅狀態亦直接影響我哋嘅健康，如果想知道點樣維持腸道健康，咁就要搵日本寫真界嘅腸道女神加治瞳喇！
以前啲人就話女人三十爛茶渣，到今時今日呢句說話則絕不適用，因為好多年過三十嘅女性依然魅力不凡，甚至艷壓群芳，好似近期搖身一變成為性感巨星嘅田中美奈實就係一個好例子，至於同佢一樣年過三十，依然魅力綻放嘅，就係今日同大家見面嘅加治瞳喇！
今年32歲嘅加治瞳，女人味十足，擁有傾國傾城嘅美麗面孔，特別係兩片朱唇甚飽滿，性感得嚟仲予人有一種神秘嘅吸引力，令人好想撲埋去親親嘴。而身材方面亦唔講得笑，一來纖薄而婀娜，二來有前有後，肌膚仲相當細滑，呢副胴體真係完美！
加治瞳自小渴望做歌手，2012年曾經組織過樂團四圍表演，但係其音樂才華卻未能獲得藝人事務所賞識。直到2014年，佢自覺已不再年輕，要想辦法盡快入行做藝人，於是參加選美活動「Tokyo Girls Auditon」盡地一煲，結果奪得歌手組別獎項，繼而成功出道成為女歌手。
不過，加治瞳嘅歌藝係就係有水準，但係大家都係鍾意睇佢點樣展現美態，以及了解佢點樣能夠年過三十依然咁索，更加被稱為「令和Around Thirty之星」。由於瞳妹瘦身以及保持健康相當有方法，所以經常被媒體邀請分享箇中心得，而佢除咗示範做瑜伽之外，仲表示注重腸道健康對女仔變靚啲亦相當重要，就係因為咁，好多人一諗起加治瞳除咗會聯想到美人，亦會想起腸道健康，更封佢做腸道女神添！
從加治瞳嘅社交網中，大家除咗可以睇到佢嘅性感照片外，亦見到佢分享唔少瘦身以及維持腸道健康嘅貼士。
網址：https://twitter.com/kaji2608/
年齡：32歲
身高：5呎4吋
三圍：33D-23-33
撰文：賢