受到新冠肺炎疫情致命一擊，令本港近月負資產住宅按揭宗數飆升兩倍，各界希望政府「撤辣」撤銷遏抑樓市措施，助小業主捱過疫市，惟政府一直充耳不聞。經民聯秘書長、地產及建造界議員石禮謙就質疑主事官員係咪有能力處理樓市問題，又寸爆高官唔了解市場運作，同市民、社會脫節。查實政府同民意脫節已經係常態，就好似防疫抗疫基金，即使推出兩輪後仍有諸多甩漏，隻鑊補完又補，最離譜係一眾官員高薪厚祿，仲話要加人工，肥到連襪都着唔落，又點會急市民所急吖！
