「乖乖地上路啦，一直叫你入籠你都唔入，終於闖禍喇。」義工佘太及琼姐緊握「靚仔」的爪，哽咽道。流浪貓「靚仔」早前在東區走廊被車撞倒，有附近街坊看見後通知琼姐。琼姐聽到是一隻黃色的流浪貓，雖然已有預感「靚仔」出事，但在現場看見牠，仍然感到心痛和難過，「佢都係生命，唔想佢就咁畀人丟咗，所以執咗佢，幫佢搞喪禮。」
琼姐第一次看見「靚仔」是在小西灣，當時「靚仔」只有數個月大，與兄弟同被遺棄在路邊。與兄弟相比，「靚仔」的警戒心十分高，不斷逃走避開義工，最後更躲到地盤內。無奈之下，琼姐只能定時於特定地點放置糧食，希望「靚仔」不要捱餓，「雖然佢唔係我哋養嘅，但我哋嗌佢個名，佢都識應我哋。」
「流浪貓係冇明天，你今日見到佢，聽日未必可以再見到佢。」琼姐擔任流浪動物義工約二十年，見過無數流浪動物慘死場面，十分心痛。於是當她在路邊看見動物屍體，會用膠袋裝起，替其安排後事，「可以送佢最後一程，都算係一種緣分。」