外界猛烈批評政府防疫同抗疫嘅工作慢幾十拍，但食物及衞生局局長陳肇始喺接受電台訪問時，被問及有批評當局應對疫情慢時，佢就話好多時「唔係慢咗，而係慢咗去話畀市民知」。睇嚟陳肇始仍然唔肯認錯，而佢點解會慢咗話畀市民知呢？市民都要知道政府做緊乜嘢，先知道點樣防疫o架，根本唔可以慢，所以陳肇始咪死撐喇，仲用埋啲咁嘅藉口嚟掩飾失誤，邊有人信呀！
