中外有好多女歌手都是靠聲色藝俱全而出位，尤其是想吸納男粉絲，更加要行性感路線，將自己在「色」方面嘅過人之處表現出嚟！喺日本樂壇，就有一位相當出「色」嘅爆乳歌姬，名字叫藤田惠名，彈得唱得之餘，仲最鍾意喺表演中拋胸露乳呢！
外國有唔少性感女歌手，不但MV意識大膽，唱現場更加係樂於「露」，搞到粉絲興奮若狂，但睇番香港，唱得嘅女歌手一係年紀大，一係勁錫身，歌藝未到家又唔見得肯行性感，難怪近年本地樂壇陷入一潭死水，好多樂迷紛紛變得崇洋、崇韓或崇日。提到崇日，活躍於寫真界嘅樂壇辣妹藤田惠名，就相當值得欣賞。現年29歲嘅惠名，屬典型美人胚子，樣子俏麗誘人，瞇起雙眼更散發着一陣姣味，令唔少男士都有觸電嘅感覺！另外，阿妹嘅身材亦好有吸引力，肥瘦適中，沒有半點多餘贅肉，對G奶亦夠晒凸出，簡直可以用「火辣辣」嚟形容，所以佢被稱為「爆乳歌姬」。
其實惠名細細個已經夢想成為歌手，讀中學時，參加咗福岡一個歌唱大賽，憑出色歌藝順利獲獎，之後仲正式成為女歌手添！出道以來，阿妹唔止靠把靚聲走天涯，亦擅長玩電子結他，所以表演時通常會自彈自唱！呢位識得作曲、填詞嘅歌姬，仲有一個稱號叫「最脫光豬創作女歌手」，點解？原來佢做咗歌手之後，發覺人氣未見突破，加上自覺有本錢唔應該浪費，於是喺台上表演時會大露特露，仲要愈剝愈多，甚至只係着住比堅尼表演！
值得一提，惠名喺拍寫真時，亦唔錫身，不時全裸上陣再攬住個結他擺甫士！最近，阿妹叻到殺入動畫界，事關其新曲《DEAD STROKE》被起用為知名動畫《刃牙》嘅片尾曲，喺歌曲嘅唱片封面可以見到動畫片嘅藤田惠名同男主角範馬刃牙對戰添，未來唔知惠名會唔會有更多機會唱動畫歌呢？
藤田惠名一向唔錫身，唱歌如是，拍寫真也如是，就連喺網絡Po相都表現出拼搏精神，大家可以喺佢嘅社交網搵到好多性感照，盡情欣賞到阿妹點樣發揮其爆乳歌姬嘅演出風格。
網址：https://twitter.com/fujitaenamel?lang=ja
年齡：29歲
身高：5呎3吋
三圍：35F-24-35
撰文：賢