政情：公民講場：25%公僕非五天工作 羅智光卸膊

政府推行咗五天工作十幾年，竟然仲有四分之一嘅公務員要喺周六、日開工，有議員批評政府「歎慢板」，但公務員事務局局長羅智光解畫，話呢項唔係政策亦無承諾過會全面推行。嘩！有啲嘢係要政府帶頭做示範作用，羅智光依家咁講等如係反面教材，揸鐵飯碗嘅公務員都唔一定有五天工作制，咁私人公司嘅老闆大條道理唔做，亦可以反口唔做，班打工仔真係多得佢唔少。