政情：八網難逃：離任總裁即轉Look 袁莎妮：唔使再扮lady

喺上月底離任香港總商會總裁一職嘅袁莎妮（Shirley），做咗半個月「全職老婆」，感覺係點呢？相信仲係享受緊悠長假期嘅感覺，但唔知係咪想擺脫過往返工嘅影子，佢換咗個新Look喎。

Shirley日前喺Facebook貼文同上載咗張相，見佢戴住口罩，仲將一把長髮剪短咗添！其實已經捱咗幾個月先引剪一快o架喇！

佢話喺農曆年捱到依家，終於喺高度戒備下剪咗頭髮，加上唔使再返工扮lady，一次過剪短，超爽！佢仲話覺得好開心添！個Post出咗街有網友留言話：「原來妳咁lady係扮嘅……」，但亦有網友讚佢剪咗髮更後生呀！