政情：公民講場：罷工醫護冇得走 范鴻齡話勢追究

今年二月初，幾千名公立醫院醫護人員以要求政府落實「全面封關」為由，發動為期五日罷工行動，嚴重影響醫管局嘅非緊急以至部分緊急服務，有議員亦聲稱有病人因此而病情惡化。醫管局主席范鴻齡就話，醫護罷工嚴重損害病人權益，而醫管局一舉一動受社會監督，所以冇一個管理層可以話就咁算數。雖然佢冇講到具體罰則，但相信事件唔會影響到醫管局同事嘅士氣喎。