政情：公民講場：政府鼓勵攞綜援 拒設失業援助金民怨沸騰

政府推出兩輪嘅抗疫措施，仍然補唔到漏，失業人士係零補貼。話時話，政府以前不停話希望多啲人跳出綜援網，依家就叫人申請綜援，好多市民都好反感，尋日有失業人士更哭訴被政府遺忘呀！老實講，好多政團同工會都嗌破喉嚨叫政府設立失業援助金，但勞工及福利局局長羅致光就當耳邊風，踢極都唔郁，反而逼人攞綜援，咁嘅做法簡直係與民為敵，難怪民怨沸騰。