內地早前爆發非洲豬瘟，供港活豬大受影響，食物及衞生局局長陳肇始亦話跟業界建議，喺舊年年底同南韓政府傾檢疫同入口豬嘅安排，仲話最快二月中市民就有南韓豬食，但新冠肺炎全球爆發，乜都停晒喇！依家販商冇豬賣，市民要捱貴豬肉，販商要求政府放寬即日清豬嘅措施，穩定豬肉供應量。陳肇始過去一段時間掛住抗疫，其他嘢仲點顧到吖，唔該佢快啲做嘢，喺豬肉供應方面追落後呀！
