政情：岑智明換潮髮 想與馬浚偉睇齊
天文台前台長岑智明一向跟得上潮流，早前出席天文台搞嘅聯歡會時又戴Cap帽又戴黑超上台獻唱，而佢喺宣布因要治眼疾而唔去日內瓦擔任世界氣象組織服務司司長之前，竟然膽粗粗去換咗個潮Look喎。
因眼疾推咗日內瓦份工
岑智明嘅髮型設計師喺Facebook上載咗張相仲標示咗佢，見到岺剪咗個靚髮，仲吸引藝人馬浚偉留言稱讚，直呼「正呀」、 「好靚仔呀台長」，岑隨即回覆話感謝馬浚偉嘅推介，仲Post咗張同馬浚偉嘅對比圖，髮型同馬浚偉同出一轍，睇嚟岺智明想同馬浚偉睇齊，一樣咁潮喎。
岑智明喺天文台任職三十四年，擔任台長就接近九年，二月中退休，本來退休後將會喺今個月初到日內瓦，但佢早前就話因為要治療眼疾，所以推咗份新工嘞！