政府實施「社交戒嚴令」，早前已要求戲院、遊戲機中心等娛樂場所停止營業十四日，但就「放生」麻雀館、卡拉OK等處所。有市民日前唱K「中招」，政府尋日臨急補鑊，即日限制或要求關閉額外六類娛樂場所，食物及衞生局嘅指引又唔清唔楚，搞到唔少會所、美容院同按摩院都以為要暫停營業添！局長陳肇始每次補完鑊都係漏窿，仲點到市民陀陀擰，唔怪得冇人信政府喇！
