一個人要成功做到位高權重唔難，但係有地位唔代表得人心，想知道喺行內有冇受人敬重其實好簡單，就係睇吓引退時有幾多同業真心歡送，好似最近引退嘅寫真女王川崎彩咁，有成班寫真妹出席其引退儀式，就代表佢備受尊敬喇！
有人話上天係公平嘅，如果囡囡上圍激凸，通常都會生得細粒亦較肥胖，相反若然身材高挑，多數都係高瘦平！但呢個觀點當然不能一概而論，因為喺日本寫真界就有好多女優又高又瘦但亦擁有睇頭十足嘅上圍，就好似川崎彩咁喇！
29歲嘅川崎彩，面上帶幾分天真可愛，同時女人味漸濃，媚態亦多咗幾分，呢種風韻真係引死人！佢以神級纖腰而聞名，腰圍僅得20吋，極之纖幼，但上圍卻擁有一對C奶，而臀部亦夠大夠挺，營造出弧度特別明顯嘅曲線美，由於彩妹喺寫真演出時表現出高柔軟度，令線條美更加挑逗人心。
佢喺2014年入行做賽車女郎，由於身材高挑又靚女，喺芸芸車女中可以話鶴立雞群，好快就被拉攏去拍寫真。投身寫真女優行列之後，佢參加過唔少選美活動，包括「汐留偶像甲子園」等，最好成績就一定係2016年參加「Miss FLASH」奪得冠軍寶座。
獲獎之後，佢未有停下腳步，繼續為大家帶來養眼又具藝術感嘅演出，將精湛技巧及專業精神完全表露，令一眾同屬藝能事務所嘅後輩如十味、桃月梨子等都視佢為為偶像。不過，彩妹令一眾後輩及同業尊敬嘅原因，係佢會用心教導新人，更樂意提攜後輩。早前佢舉行引退儀式，當日場面盛大，除咗有150名寫真迷，仲有多位知名寫真女優如青山光等到場，向彩妹送上祝福，可見佢喺業界有地位又夠面子，仲好得人心添！
簡介：雖然川崎彩已經引退，但係佢依然上載好多性感照及影片，想感受一下彩妹嘅最後艷光，記住要追住佢嘅社交網喇！
網址：https://twitter.com/kawasaki__aya?lang=ja
年齡：29歲
身高：5呎5吋
三圍：31-20-34
撰文：賢