政情：巡視貨櫃檢疫中心 盧偉國入地盤要探熱

有齊基本傢俬

其實喺上月四日，盧偉國已經去過地盤一次。但當時仲做緊地盤平整，佢今次再去，已經放咗大約六十個貨櫃。地盤防疫措施都幾嚴格（口架），就連盧入去視察，都要登記過往十四日有冇去過外地、量體溫同埋用酒精搓手液消毒雙手。雖然工程公司有為員工提供口罩，但盧都帶咗一啲口罩同搓手液，打算同一班工人打吓氣喎。

盧引述地盤主管話呢一、兩日開始，多層建築物內嘅單位，會供需要隔離檢疫嘅市民入住，而盧亦公開部分貨櫃單位嘅內部相片。佢話入面有齊獨立冷氣、洗手間、淋浴設施，同埋枱、櫈、床等基本傢俬，佢相信再過兩、三個星期，就可以完成一百二十個貨櫃單位嘅目標喇！