中環出更:鄭若驊最叻避政 兩年外訪30次

民望長期「墊司底」、被嘲為「避政司司長」嘅律政司司長鄭若驊,過往不但醜聞纏身,更被批評「應告唔告」,令本港法治淪亡。鄭若驊由一八年一月上任至今最少三十次外訪,根據政府就財政預算案回覆立法會財務委員會資料顯示,鄭喺上年度外訪約十四次,進行三十五日公務訪問,喺前年外訪就有十六次共四十八日。

共花逾227萬公帑

根據資料顯示,一九/二○年度截至今年二月,鄭若驊共外訪十四次,外訪地點包括法國巴黎、盧森堡、荷蘭海牙、奧地利維也納、韓國首爾及英國倫敦,到訪的內地城市有北京、廣州、上海、深圳及澳門,共花費逾八十七萬元,當中約五十萬港元為機票開支、約九萬四千元係酒店住宿開支、其他開支約二十七萬元,而離港公務酬酢開支約三萬一千元。外訪目的包括率領代表團推廣香港作為亞太區國際法律及爭議解決服務中心等。

而在一八/一九年度,鄭一共外訪十六次,外訪地點包括英國倫敦、美國華盛頓及紐約、日本東京、韓國仁川同埋泰國曼谷,到訪嘅內地城市就有北京、廣州、深圳及珠海,共花費逾一百四十萬元,當中約九十一萬元為機票開支、約二十二萬元係酒店住宿開支、其他開支就有近二十九萬元,而離港公務酬酢開支約六千七百元。

第一手消息請下載on.cc東網iPhone/iPad/Android/Windows Phone Apps