政情：公民講場：張宇人倡餐廳晚市半開放 被寸爆不切實際

曾被人稱為「廿蚊張」嘅飲食界議員張宇人（Tommy），尋日就話業界已經取得共識，今日起會採取八項自願措施支持政府抗疫工作，例如鼓勵晚上六點半後餐廳招待一半客人，即係話如果許可證上寫四十人，就只可以招待廿人。不過呢番言論一出，就被香港調酒師工會喺社交平台貼文寸爆，反駁Tommy帶頭發起嘅措施並唔可行，因為工會話病毒並唔會等到夜晚六點半後先散播，反建議最實際嘅做法，就係政府防疫抗疫基金對飲食業嘅資助，交到飲食業從業員手中，等佢哋能夠直接受惠喎！