政情：卸任房委會 蔡海偉服務母校
政府尋日公布新年度房委會委員名單，其中香港社會服務聯會行政總裁蔡海偉將於下月一日卸任。不過話都無咁快，蔡嘅母校皇仁書院，舊生會方面就向佢招手，對外宣布新一屆嘅名譽顧問團已經組成，而蔡就獲得委任，同香港醫學會副會長鄭志文醫生，以及初創企業創辦人郭彥麟校友，一齊成為新任名譽顧問，任期至二零二一年十二月。
獲委任皇仁舊生會名譽顧問
得到母校舊生會嘅委任，蔡海偉話相當榮幸得此崗位繼服務母校，又話期望可以為師兄師弟帶來新思維，特別係目前嘅艱難日子，一同關心社會同弱勢社群。而鄭志文就話佢會利用知識同經驗盡力貢獻所長，希望加深認識母校新世代，了解師弟嘅新視覺。
能夠為母校貢獻綿力無疑係值得高興嘅事，好應該招呼各方友好出席委任儀式。然而礙於疫情，舊生會話尋日原定於周年開放日開幕禮所舉行嘅委任儀式，因疫情停課而無奈告吹。