政情：立會防疫新招枱與枱隔六呎
新冠肺炎確診個案不斷攀升，立法會秘書處尋日話因應最新情況，將會喺綜合大樓實行最新傳媒設施嘅防疫安排，當中包括設於走廊的記者枱間距拉闊，枱與枱之間至少要六呎，目的係盡量減少病毒傳播風險。
秘書處話，其實已實施多項防疫措施，減少綜合大樓聚集嘅工作人員同訪客，如果要入大樓就一定要佩戴外科口罩。秘書處同時都會加強清潔同消毒啲咪高峰，保持清潔。
分散採訪位置
此外，設於一、二樓採訪位置供記者使用嘅枱櫈將會分散重置，增加座位間距離至六呎，同時都會喺採訪位置設置消毒搓手液及空氣清新機。而新聞發布室1A或1B內嘅記者座位都會隔開，又勸喻喺大樓其他地方採訪都要保持社交距離。