近排唔少議員炮轟好多巴士路線喺疫情下削班，市民等好耐都上唔到巴士，但運輸及房屋局局長陳帆完全冇反應，尋日有議員兜口兜面批評新大嶼山巴士削班，佢就突然大發神威咁話運輸署已向擅自削班嘅嶼巴發警告，兼且會調查添！老實講，呢次事件再次反映當局真係唔踢唔郁，咁仲有其他議員投訴唔同巴士公司有削班喎，陳帆係咪警告咗一間就當塞住議員把口就算數呀？
