政情：八網難逃：柯仔高佬鬥買餸 三餸一湯搞唔掂
兩個男人去街市買餸會點？議員柯創盛（柯仔）同何俊賢（高佬賢）就分別攞住五十蚊去街市買餸，唔知買唔買到三餸一湯呢？
柯仔同高佬賢日前就去咗牛池灣街市買餸，高佬賢仲落足嘴頭叫老闆賣菜送葱，先至勉強湊齊三餸無湯，三餸就係青根魚、沙糖桔同番茄蛋。柯仔雖然冇咁多款餸，都叫煮到鯇魚配紫菜生菜豆腐湯，但兩人嘅共通點都係買唔到豬肉，因為一斤八十元太貴唔捨得買，更有街坊連排骨都無錢買。
叫政府幫基層渡難關
雖然買完餸仲有少少錢剩，但佢哋都話價錢所限無乜選擇，好難想像基層左慳右慳先煮到一餐，相信檔主亦唔好過，叫政府拿拿臨幫商販同市民渡過難關。