政情：疫情難控 6委員會會議延期

司法及法律事務委員會嘅會議亦都會延期，委員會主席梁美芬話，知道唔少議員對下次開會由律政司講解嘅「願景2030──聚焦法治」計劃都有好多意見，本來諗住將三個鐘嘅會減到一個鐘頭就算，但見疫情嚴重，佢同其他議員都唔想冒險，惟有押後會議喇！

民主派乘勢要求「罷工」

廿二名民主派議員尋日更乘勢去信主席梁君彥，要求立即暫停所有同疫情無關嘅會議，又話世界衞生組織喺本月十一日已宣布疫情「全球大流行」，香港過去十日嘅確診個案亦激增近一百四十宗，尋日亦已破晒單日嘅確診紀錄，希望梁君彥盡早搵各委員會主席同各黨派協商，制訂劃一嘅開會準則，避免對新一波疫情掉以輕心喎。