政情：公民講場：有罩唔派 抗疫離地 政府懶理市民生死

依家市民仲捱緊貴口罩，有議員質詢政府有冇訂口罩儲存機制同增加儲存量？但係財經事務及庫務局局長劉怡翔一味話政府有一定嘅儲存量，只係因應疫情而用量多咗啫，所以要向外採購，仲否認啲口罩唔派畀市民，唔係要市民自生自滅。老實講，劉怡翔自己話政府儲存幾多口罩就夠，難怪畀議員鬧爆呢種以不變應萬變嘅態度，完全冇吸取沙士嘅教訓，事關佢根本離地，完全唔知市民實際所需。