喺備受新冠肺炎疫情困擾嘅日子，相信好多人會更加熱愛陽光，因為陽光可以消毒殺菌，仲可以帶來正能量，令人心情開朗！不過，充滿陽光能量嘅唔單止得太陽，仲有陽光女神久松郁實！
雖然話肌膚白滑嘅美人兒特別吸引，但係喺日本寫真界中，古銅膚色女優一樣人氣高企，知名嘅當然包括橋本梨菜及葉月彩呢兩位古銅大波嬌娃，而前者發展得相當成功，除咗喺寫真界躍升一線地位，更踩埋入電視界。之但係講到成功就一定不及久松郁實呢位陽光女神喇！
24歲久松郁實天生一副正統派美貌，從任何角度去欣賞都係咁甜美漂亮，當然佢充滿陽光氣息嘅笑顏最吸引啦！而相比起上述兩位大波妹，佢嘅身材同樣激凸，上圍對F奶脹卜卜，配合高挑身形，豐滿得嚟唔會予人又肥又矮嘅感覺，加埋一身古銅膚色，就更加予人強烈嘅健美同健康印象。
數數手指，應該都數唔晒郁實嘅年資，因為佢喺2008年就成為時裝雜誌《Hana*Chu→》嘅專屬模特兒，後來過檔另一本雜誌《CanCam》做御用女模。2014年進軍寫真界，憑住健康形象以及又弗又火辣嘅胴體而極速上位，仲成為著名泳裝品牌「三愛水着」嘅代言人。而該品牌歷來只會搵優質且形象健康，同時兼具人氣嘅女優擔任代言人，所以郁實能夠被對方睇中，證明佢有晒以上條件啦！
除咗係寫真界發展順利，郁實喺影視界同樣撈得如魚得水，拍過唔少電視劇，近作就有《全身刑事》，而電影作品亦有好多，包括《白鳥麗子でございます! THE MOVIE》以及《土竜の唄 香港狂想曲》。近期郁實仲做埋電視節目主持，由於口才了得，所以喺好多體育活動都搵佢做司儀，真係多才多藝！
簡介：久松郁實近期主要工作係做電視節目主持以及體育活動司儀，久不久都會拍吓寫真，如果想知佢幾時又拍性感寫真，就要多留意佢嘅社交網喇！
網址：https://twitter.com/hisamatsuikumi/
年齡：24歲
身高：5呎5吋
三圍：34F-24-35
撰文：賢