政情：公民講場：廢官減廢 效率超低 垃圾徵費 幾時先嚟

香港堆填區幾近飽和，政府多年前已提出推行垃圾徵費計劃，減少家居固體廢物，不過計劃仍要押後兩年先可實行，事關有關法案仍喺立法會相關法案委員會審議緊，幾時通過仍未有定數。而政府邀請承辦商喺公共屋邨進行嘅模擬垃圾徵費預計亦要到二○二三年二月先完結，正式推出時間亦將押後。有議員尋日喺法案委員會上批評審議進度不合理地長，質疑當局冇決心推動減廢，亦有環團擔心萬一今屆立法會完結都未通過，法案要推倒重來。政府環保政策一直引起好多爭議，垃圾徵費亦唔例外。究竟環境局局長黃錦星係慢吞吞，定係搞唔掂先要一拖再拖﹖