講到AV界嘅真女神，有一位大家冇可能唔識，佢就係靚絕兼波哋正到爆嘅三上悠亞！講樣，佢真係冇得彈；論身材，前凸後趷夠火辣；論表現，舌技夠高超，絕對係深宵最佳娛樂，難怪佢出道冇耐就爆紅！
三上悠亞成為AV界女神，原因有兩個，一來樣靚身材正，二來喺演出AV前，係人氣藝能女團SKE48嘅團員。出生於名古屋嘅佢，早喺2015年5月於男士雜誌《週刊FRIDAY》接受訪問時，已經被眼利嘅AV迷發現，佢以原名鬼頭桃菜活躍藝能界，但係佢一直冇承認亦冇否認，而當時AV片廠MUTEKI亦以「國民偶像團出身」作為宣傳。直至上年佢喺Twitter上載一張聲稱係自己踏入20歲成人禮時拍攝嘅照片，照片上卻寫住「鬼頭桃菜」。雖然佢好快就刪除相片，但已經引嚟極大嘅關注。既然已經自爆咗，於是喺一個訪問中，佢坦承自己就係鬼頭桃菜。
由於當年SKE48嘅人氣相當高，因此有人猜測三上悠亞一直唔敢承認係藝能人身份。不過姑勿論如何，甜美索樣兼有對33G巨乳嘅佢，早就已經成為大家嘅焦點，處女作《Princess Peach》更獲得極佳成績。之但係佢跟住落嚟竟然一套片都冇出，及至翌年1月才有第二套AV作登場，究竟呢半年佢做緊乜？原來佢忙於喺日本同海外做宣傳，同時拍攝首本全裸寫真《Here you are》。唔使拍片，但又有一系列嘅宣傳活動，證明佢深得片廠嘅支持，更為佢度身訂造成為AV天后之路！
雖然三上悠亞嘅頭3部作品都係MUTEKI出品，但原來佢當時仍未係M廠嘅專屬女優，直至拍攝第4部作品《我的女友是三上悠亞》時，先至正式簽約，作品仍維持每月一片嘅產量，但足以保持強勁人氣。及後佢加入女優藝能團體《惠比壽麝香葡萄》，令人氣更勁！2016年舉辦嘅「FANZA成人獎 」中榮獲「年度最佳新進女優」，又憑處女作《Princess Peach》獲得「最佳作品獎」、「郵購量最多」以及「租賃及售賣量最多」獎項。對一位出道僅一年嘅新進女優嚟講，連奪4個獎項絕對係極佳嘅成績，亦奠定一線女優地位。
不過講到厲害，2015年佢僅推出一部作品，就打入FANZA年度銷量排行榜，跟住落嚟幾年推出嘅作品，亦打入十大銷量排名，去年更進佔年度銷量排行榜嘅亞軍位置，成績僅次於冠軍波多野結衣。事實上，自從佢喺2016年11月轉會到另一片廠S1後，作品銷量直線上升，近期嘅銷量同樣唔錯，睇嚟今年要打入十大絕對係意料中事。
出生地：名古屋
身高：159cm
三圍：33G-22-35
撰文：魂