反修例衝突加上新冠肺炎雙重打擊，重挫旅遊業，雖然政府早前推出紓緩措施畀旅行社，但反應都只係聊勝於無。點知依家新冠肺炎全球爆發，政府勸喻市民唔好外遊，旅遊業簡直跌到落冰點，莫講話冇內地客同外地客，依家連本地客出團都冇埋，睇怕旅行社等執笠，商務及經濟發展局局長邱騰華仲等乜嘢，快啲諗計救亡喇，否則必定爆發倒閉潮兼且湧現失業大軍，激起民憤都唔知點收科？
