政情：八網難逃：洪為民推薦以游水展開新一年

踏入新嘅一年，大家對前景有乜嘢睇法？香港菁英會榮譽主席洪為民（Witman）日前喺Facebook（Fb）上載咗張相，相中人係喺泳池游水，而Witman仲貼文話覺得游水係展開新一年嘅好辦法。唔知佢係咪覺得依家社會立立亂，市民都要鍛煉自己呢？

再講，原來Witman日前牛一，佢嘅朋友喺Fb上載咗啲生日派對嘅相。今年幾多歲？五十有一，而喺生日宴中，唔少係菁英會嘅兄弟姐妹，部分係資訊科技界嘅朋友，事關佢係互聯網專業協會前會長嘛！