政情：公民講場：羅致光等運到 失業大軍勢遷怒

受到修例風波嘅影響，經濟受到重大打擊，預料好多打工仔打爛飯碗，而政府尋日公布九月至十一月嘅失業率，較八至十月份嘅比率上升，其中餐飲服務活動業嘅失業率上升嘅幅度，更加係八年來最高。老實講，政府推出四輪紓困措施，立法會財委會只係通過咗首輪措施，其餘嗰啲都唔知幾時過到，仲係同打工仔冇乜關係，勞工及福利局局長羅致光應該做啲針對性嘅措施去幫呢班失業大軍，唔係喺度等運到，否則打工仔嘅怒火必定燒埋佢度。