政情：公民講場：揚言挽救大學撥款 陳肇始邊度夠牙力？

政府早前抽起三項涉及港大、中大同理大嘅醫療教學設施撥款，衞生及食物局局長陳肇始尋日回應話明白現時醫療人手好短缺，各大學增加教學設施有迫切性，當局會積極游說各黨派嘅議員，期望可以喺本立法年度將申請放回議程同順利通過撥款。盛傳建制派唔滿意大學校長嘅管理令到大學變成反修例戰場，呢個係核心問題，陳肇始究竟知唔知道解鈴還需繫鈴人，單靠佢根本唔夠牙力，撞板居多。