政情：胡耀昌促制訂議助薪級 唔怕益埋建制？

Max喺Facebook貼文，話分別喺區議會同立法會議辦工作多年，對議員助理待遇之差有深刻嘅體會，又話由於政府每月畀議員用作營運開支嘅津貼唔多，令議員唔可能以市價請人留人，見盡好多既fit又好有heart嘅議助，最終都因為生活逼人而另謀高就。

獨立於議辦營運津貼

隨住社會進步，佢話對議助嘅工作要求愈嚟愈高，可謂要周身刀、張張利，所以長遠佢建議將議助薪酬開支獨立喺辦事處營運津貼，同時參考公務員薪級表制訂「議助薪級表」，提高議助待遇之餘，亦可提升議辦服務質素。

話時話，建制派喺區選大敗，盛傳民建聯會自資或情商友好政團以現時區議員津貼請番啲落選區議員做議助，若果政府肯接納Max嘅建議，咁建制派就可以慳番筆，真係一家便宜兩家着喎。