反修訂《逃犯條例》示威浪潮中，多間大學都成為暴力示威「戰場」及避難所，其中理工大學同中文大學都係重災區。教育局局長楊潤雄就話，理大事件後，應思考大學未來喺日常管理同運作上有乜嘢要改善，又話一啲大學宿舍可以畀學生自由帶唔同訪客進入，質疑喺安全考慮上係咪要檢視一下，考慮點樣平衡保安需要，校園又係咪應該開放畀所有人進入喎。啲大學依家就好似無掩雞籠咁無王管，如果要限制訪客，大學勢必要再增加保安人手，或要裝設入閘機，唔知呢筆開支，政府又係咪會負責呢？
