政情：黃碧雲執屋 搵番43載學生相

經常以一頭短髮示人嘅黃碧雲，後生時都係留短髮，當年只得十幾歲嘅佢，頭髮最多都係留到下巴位置，時日如飛，依家已經六十歲，踏入耳順之年。有網友留言大讚佢當年好靚，個人氣質同處事風格更迷人，投入工作嘅人最吸引，但亦有網友提醒佢要減肥。黃回覆話以前食極都唔肥，想增一磅都難，但依家想減一磅更難，睇嚟要多下苦功先得喇。

感謝父母保存成長紀念物

講番正題，黃碧雲話無遺失到呢啲個人成長歷史舊物，所以覺得好勁，佢特別多謝父母冇喺佢去美國讀書升學嘅時候燒毀舊物。其實呢啲陳年舊物可以保存到依家都算好難得，因為有好多人會唔小心丟咗連自己都唔知，將來想搵番都後悔莫及。