政情：票站記錄混亂 蔣麗芸促電子投票

唔單止投訴投票安排，亦有人指有候選人同票站職員喺重新點票嘅時候畀群眾包圍，被人用粗言辱罵，最後候選人同票站職員喺防暴警員嘅護送下先至可以離開，同時亦都有唔少人批評多個票站有大量未夠十八歲人士多次出入票站，阻礙其他人投票，唔少老人家或行動不便人士因排隊太耐決定放棄投票。

籲設長者綠色通道

阿Ann話該黨唔係輸打贏要，而係希望可以立即指出問題，唔想問題再延續落去，所以建議政府考慮用電子投票取代人手派票，避免派錯選票嘅情況出現，佢要求選舉管理委員會盡快改善，包括增加長者綠色通道，容許老人家同行動不便嘅人士排另一條隊進入票站投票，減少輪候時間。