政情：公民講場：平亂無期 經濟寒冬 邱騰華空談援助中小企

連月來嘅暴力示威衝突令本港各行各業都受到影響，本港經濟面臨困境。商務及經濟發展局局長邱騰華尋日出席電台節目時就話，目前香港經濟表現轉差只係開端，第四季至明年初嘅經濟會持續轉差，依家最迫切係減輕企業成本，協助企業捱過冬天，而政府會繼續走訪唔同商會，簡化唔同政府基金申請手續，希望可以喺困難嘅環境下協助企業喎。查實如果政府繼續對解決本港嘅困局毫無對策，社會立立亂嘅話，相信當局就算點樣推出扶助措施，中小企都係好難捱得過呢個經濟寒冬o架喇。