政情：今日你上鏡：唔見幾個月 謝偉銓滿頭白髮

立法會因七‧一受到嚴重破壞，搞到要提早休會，會議進度大受影響，立法會復會後，一眾議員都紛紛重返立法會開會。幾個月冇見，建築、測量、都市規劃及園境界立法會議員謝偉銓（Tony）早前返立法會開會時，就被發現滿頭白髮，因咩事蒼老咗咁多呢？Tony就話，可能係因為最近比較忙，再加上年紀大，所以白頭髮都多咗，所以佢都打算去染髮喇。佢仲話，其實自己一向都有染髮嘅習慣，大約半年就會染一次，但依家對上一次染髮只係隔咗大約三個月，就已經滿頭白髮喇。睇嚟Tony如果想有一頭烏黑嘅頭髮，就要再勤力啲染髮至得喇。