我有正能量：初次潛水「好平靜咩都唔使諗」
計劃除希望帶領情緒病患者走出陰霾，亦想讓壓力爆煲的香港人嘗試潛水減壓。「我本身性格係緊張大師，返工放工好多嘢諗，冇時間畀個腦休息。」育嬰園老師Vicky與一般香港人無異，生活充滿壓力，而初次潛水體驗令她學懂在壓力之中放鬆。「因為我係第一次潛水，未落水之前好緊張，好似好大壓力同驚，但一步步落到海，專注喺呼吸，唔經唔覺個人已經放鬆咗。」
面對工作壓力，任職文員的Frizen亦因為潛水令心情變好，「只係感覺到自己同個海，仲有身邊嘅人，好平靜，咩都唔使諗。」觀賞到海洋生物更令他感到驚喜，「平時冇機會睇到咁多海洋生物，好多小丑魚、海參，仲可以放上手感覺吓。」
定期舉辦 鼓勵練習
現時計劃每個月舉行一至兩次潛水活動，未來更會舉辦定期活動及聚會，鼓勵參加者持續練習，增強適應力之外，亦可認識新朋友互助同行。