踩入花圃偷採藥 缺德大媽遭公審
【本報訊】海濱長廊成「採藥」勝地？近日有網民在海濱長廊目擊一名大媽偷摘植物，而且動作粗野，不斷強行拉扯，網民出言勸止亦充耳不聞，行徑十分猖狂。網民看過後深為不齒，「拉×佢啦！」
手推車放滿「戰利品」
網民Candy Au Yeung前日（26日）於Facebook群組「將軍澳主場」發布貼文指， 目睹一名大媽在將軍澳海濱長廊偷採植物，「不斷扯啲植物出嚟」，事主見狀，出言勸止，但是對方一於懶理，令事主非常氣憤：「呢啲人唔受過教訓唔會知驚。」貼文亦批：「有呢啲人喺度，啲植物排得幾靚都冇用。」從圖中可見，大媽整個人走入植物叢中，路邊擺放一架手推車，車上已經放了部分「戰利品」，相信大媽有備而來。
貼文發出後，網民直言要「捉賊」，「好多呢啲人，偷草返屋企煲湯」、「我近呢幾個月，成日見到啲大媽喺度摘草」；有人疼惜植物被破壞，「畀佢踩死都唔少」，建議事主：「即刻推走佢架車！睇吓佢出唔出番嚟？」