政情：公民講場：通識科滿城風雨 楊潤雄幾時檢視完？

呢幾個月好多年輕人同學生上街反修例，外界歸咎於通識科。教育局局長楊潤雄尋日回應有關問題時就話，該局正從通識科課程、教材、教學等着手檢視同提供支援，又會安排通識課程發展主任兼任督學，到學校觀課、查閱習作、審視教學過程，希望重建社會對通識科嘅信心。佢講咗做咁多嘢，講到天花亂墜，但就冇講到係咪會改革通識科，同埋幾時完成檢視，擺明係想轉移視線，根本係想拖得就拖。