政情：公民講場：放寬按揭恐推高樓價 陳帆卸膊話冇水晶球

施政報告話放寬樓價按揭上限，令到市民可以容易啲上車，但樓價就即刻反彈。運輸及房屋局局長陳帆尋日被多次問到依家樓價高企，政府咁做係咪合適時機，佢就話任何人都冇水晶球，政府從來冇講過市民幾時應該入市，而呢項措施只係為市民提供多一個渠道籌集首期資金。話時話，政府過去推出多項辣招話要壓低樓價，但愈出招，樓價就愈高，依家放寬樓價按揭變相又係推高樓價，陳帆冇水晶球都知喇，依家仲要推番落市民身上，認真卸膊。